MALGOSTO. O magosto que sae mal (Foliada/romaría freak)

Como sería unha festa sen organización e implicación?

Como sería unha festa onde todo sae mal? 

Con estas preguntas na cachola, dende Arteficvial decidimos buscarlle resposta facendo o que mellor se nos da: organizar unha festa! Así, no 2022 fixemos un MALgosto. En decembro e sen castañas, pero con foliada e veciñas coas que tivemos a oportunidade de bailar, cantar, falar e partillar ideas e impresións sobre o valor das asociacións e a importancia da implicación de cada persoa á hora de levar adiante proxectos colectivos. Moito nos prestou!