📍 29.05 — Auriense Café Cultural (Ourense)
Para ir quentando motores, verémonos ás 19:30 no Secret Bridge Tattoo cunha pinchada de balde a cargo de David Diz.
E despois continuaremos a noite en El Pueblo Café Cultural, cunha sesión de Arteficial e amigxs, tamén de balde.

📍 30.05 — Granja Douteiro (Francelos)
Un concerto nun enclave único, rodeados de natureza e comunidade.

📍 12.06 — Abadía da Cova (O Saviñao – Ribeira Sacra)
📍 13.06 — Surfing The Lérez (Pontevedra)
📍 14.06 — Club Clavicémbalo (Lugo)

Grazas a todas as persoas que apoiades, apoiastes e apoiarán este colectivo sen ánimo de lucro, pero con moitísimo ánimo de baile, festa, risas e amizades.

Seguimos. E celebrámolo como se fose a última vez. Acompañádesnos?

Hai 20 anos naceu Arteficial sen saber ata onde chegaría, e hoxe é moito máis ca un festival: é unha forma de entender a cultura, a comunidade e a resistencia no rural. Levamos Ribadavia por toda Galicia e máis alá, creando rede con artistas e colectivos, e defendendo sempre o acceso á cultura alternativa. Nesta 20ª edición, seguimos medrando coa mesma esencia, levando o noso proxecto a novos territorios para compartir o que somos e o que aínda queremos ser.

20 anos facendo cultura no rural.
20 anos de música, arte, comunidade e resistencia.

Grazas a todas as persoas que formastes parte do camiño.
O mellor aínda está por vir.

Arteficial somos nós. 💗